今日諾韻的新書出籠，我當然係去捧下場。
下午吃飯去了佐敦商務，撲了個空；然後放工去，就立刻見到呢本野巴巴聲咁爬上嚟。
呢本書令人最可惜既感覺，竟然就係沒有序.... 究竟純粹係為左徵稿捧新人還是怎樣呢？
我諗，我要派個卧底去問下梁望峰啦！然後我既得力二號卧底去問王貽興.... 哈！
話時話，今次出五條仔.... 寫故仔，感覺得下次一定出五條女啦.....
你估皇冠會出邊五條女呀嗱....
小唐？朱佩君？林穎琛？深雪？... 不如.... 加埋條海豚.....
（以上五條女理論擺明係個人創作.... 徵橋唔該比番多少可憐下呀唔該..... ^0^）
既然無諾韻既書，於是我就去左荃灣三聯啦！
唔去由至呵，一去就把火，因為我見到同胞們被擠壓既景象：
「書，就是要互相擠壓」
而且好慘啊！呢度只有無啦啦一本書，仲要夾係鬼同醫生中間啊！.... 幸好作者還一個魔女。
跟住..... 奇景就出嚟啦！
就係因為咁，先可以解釋到點解我未見過諾韻既書係荃灣三聯出現過：
他奶奶的.... 原來一出世就俾人推左上架！
隔籬果本再說一聲我愛你其實係出面分緊豬肉架，係呢個位都只係係咁易再出下個樣。
大家可能會問：點解一本堂同皇冠拍得咁近既呢？
理由係：根本荃灣幾乎成個書架都係放皇冠的！小說佢應該分本地一個，外國台灣等一個書架。而書架既一半就全都係皇冠書，就連草飛既法拉利男，卓塋而家係圖書館都借到既永恒不滅煙火近牌都仲會見到係豬肉枱，（我今日無啦啦見到個男人渣住本硬皮既永恒不滅煙火，先知道呢本書係圖記有得借渣！本來我好想偷影佢架，之不過後來佢落左車啦。）而一本堂既小說豬肉怡位置就通常放周淑屏既書....
所以哦....
知道左之後，真係覺得，係「既好氣又好笑之間」....
所以，我提議諾韻攪攪「飛聞」..... 坦白，「緋」係唔夠既，一定要攪「飛」聞.....
因為今日有個識字既六十歲亞婆，拿起本「說一聲我愛你」的書時，第一個認識既，竟然係「王貽興」啊！
我想，其實他一早已經殺入師奶界了..... 而以諾韻的本錢，理應可以殺入麻甩界的... 嘩咔咔！
ＰＳ：有關小說的link
